Psa 4 | TwiNAK | STEP | O Onyankopɔn, woaka se meyɛ pɛ wɔ wʼanim; daa wohwɛ me wɔ mʼahohia mu; enti mprempren tie me sufrɛ. Hu me mmɔbɔ. Tie me mpaebɔ.

Psalms 4

Ahohiabere mu anwummere mpae

1 O Onyankopɔn, woaka se meyɛ pɛ wɔ wʼanim; daa wohwɛ me wɔ mʼahohia mu; enti mprempren tie me sufrɛ.
Hu me mmɔbɔ.
Tie me mpaebɔ.
2 Mobɛbɔ me ahohora akosi da bɛn?
Mubedi nneɛma hunu ne nea enye akyi akosi da bɛn?
3 Kae sɛ Awurade ayi atreneefo ama ne ho; na sɛ misu frɛ no a, otie me.
4 Bɔ hu, na gyae bɔne yɛ; sɛ woda wo mpa so komm a, dwen eyi ho kɔ akyiri.
5 Bɔ afɔre a ɛfata ma Awurade, na fa wo werɛ hyɛ ne mu.
6 Nnipa bebree srɛ sɛ: “O Awurade, hyira yɛn na yɛ yɛn adɔe!”
7 Nanso anigye a woama me anya no dɔɔso sen wɔn aburow ne wɔn nsa a wobenya daakye nyinaa.
8 Sɛ metɔ hɔ a, meda asomdwoe mu;
O wo Awurade nko na hwɛ me so.